ногі як сімвал нізу

Ну мы паглядзелі, як прадуць, захацелі калаўрот, электрапр-у, сто мільёнаў кіло воўны, а заадно машыну, каб ездзіць, і ўсё такое.

Калі ўва ўсім і трэба дайсці да асноваў, то засяроджанасць на лёне была адцягненнем увагі. Я не чула яго, лён не чуў мяне, і ніякія прыкладзеныя намаганні не ратавалі ад канфузу. Прывыкшы, што, пры пэўнай упёртасці і канцэнтрацыі, у цябе атрымліваецца ўсё, вельмі цяжка прыняць факт, што твая нітка такая:

Калі ў рукі трапілася воўна – ооо пайшло, пайшло. Было многа размоваў пра фундаментальнасць лёну, але вот я чытаю БМ, там і на воўне няслабыя змеі ляжаць. За паўгадзіны да ад’езду была завучаная верацённая маторыка, і скручаны нераўнамерны кавалак то роўніцы, а то і рэальна ніткі:

Самае галоўнае, што я нарэшце ўбачыла гэтую сваю легендарную  Z-крутку. Выпрасіла кавалак і стала фігачыць пробнікі. Простая гладзь так відавочна і бессаромна паўзе ўправа.

На калаўроце прадуць Z, круцячы па гадзінніку, а калі ссукваюць дзве ніткі ў адну, то круцяць наадварот і атрымліваюць S, яны, напэўна, адна адну ўраўнаважваюць у выніку. Мне ніхто не змог патлумачыць чаму нельга адразу круціць супраць гадзінніка, але, раз ляўшы пралі ўсе ніткі наадварот, то, тэарэтычна можна. А, во што яшчэ: верацяно круцілі ў адваротны бок, каб рабіць тагасветную нітку па жаніха хадзіць (таксама БМ). Ок.

Заадно мы з Сяцко сталі рабіць замеры яе і маіх петляў. Рассудзіць, хто якім спосабам вяжа, дапаможа інструкцыя, але я пакуль збіраю сілы глянуць уважліва.  Карацей, ружовыя палавінкі мае, зялёныя – сяцкоўскія. Но і лютыя паводзіны самакруткі, клубочак якой выдала нам Наста, не забываем. Хаця воўна касее не так моцна, да?

А ў карычневай нітцы, якая тады скакала казлом у шаліку, чатыры ніткі, скручаныя S, кожная складаецца са звітых S і Z. Но гэта мне пакуль нічога не тлумачыць, юнай, недасведчанай.